5月24，陰天加大雨，好玩

我出名嘴刁，但又唔識煮好野食。
一無煮食天分、二無畫畫細胞既人...
去godiva純粹想有高人帶我整下朱古力....
上年去左godiva，雞手鴨腳咁學人整朱古力，結果整左D「磒石」咁既朱古力返黎~
經過一年疏懶，今年再去，反而有好表現！

上年係喺godiva裡面既課室度學，一對十幾人，但就衞生、工序好似好Ｄ... 時間又充裕啲.. 有三個鐘...
今次係town gas度舉辦，一辦就24人，地方夠大但...
不知何解，覺得時間十分忽忙，可能得兩個半鐘...　但教多咗野~

入到去課室，揀好位，就埋台先講解朱古力既基本...
今年仍然由wong sir主講... 實在太好了~~
佢係歐洲學藝... 實在唔係半桶水既朱古力師傅...
例如講解朱古力點黎... 點分辦朱古力既好壞等等...
都係具有專業水準....

好啦... 要開波做第一樣朱古力，就係同上次一樣用模做truffle...
上次我出golf模，今次我就選擇用方型... 估唔到效果一流!!!

跟住就教大家用士多啤梨做佢地店舖著名既士多啤梨朱古力，一粒50蚊架...
中間你當然可以加上自己喜歡既圖案... 或者文字... <<呢個太醜樣.. 唔落相啦!
然後，就要設計一個圖案，一要連貫，二係唔可以太大...
我真係唔知點落筆... 我講左我真係唔識畫畫...結果...

呢朵花又真係幾靚~~~我真係好開心... 好開心.... 原來簡單如一朵花... 都可以好靚!

完成後... 我地就學點唔駛用模去做朱古力...
上年我地係學用朱古力「痴」榛子...

今次我地係學用「done」朱古力醬成為一個大圓餅...
然後放你喜歡既果仁... 同加上花紋... 好似餅乾咁.. 好得意!!

好啦... 朱古力模夠凍... 要為truffle落涵...
上面有六粒會加榛子...
先落少少朱古力醬...
我固執係要用朱古力.. 人地係用白朱古力既.. 有層次感D喎.... 但我實在太討厭白朱古力個隻味...
然後落粒榛子.. 緊記一落完... 就用個「吱吱」篤一篤粒果仁.. 擺好個位.. 再落多少少朱古力醬...
緊記份量要平衡.. 唔係就會過甜或者過淡....

下面有六粒會加榛子溶...
呢個反而無難度.. 只係唔可以太滿... 留番足夠既位封頂就可以啦~
發現唔夠咩... 係中間位置補...
然後「done」勻佢~由於之前有經驗... 落料我唔太擔心...
我反而我覺得一路要控制住朱古力既溫度比較難...
因為一定係要over 28... under 40...  
整好左就放埋一邊先...
時間真係好趕急... 一樣學完接一樣... 好彩之前有上過堂... 做truffle就無咩難度... 所以封頂個儀式就唔講啦~~

但跟住就要做甜點啦...
wong sir派我地一人一個"朱古力tart"...
呢個朱古力tart既做法同做truffle個「模」係一樣既...
只需要落左朱古力.. 然後倒返出黎風乾就可以...

今次... 我地可以做一個godiva招牌tart....
tart底先落果仁.... 舖滿果仁就加D朱古力醬...
我又係楝咗榛子... 因為細細粒.. 又清清地...
好啦.,. 再舖果仁... 再落醬.....
然後加上少許生果作為頂部... 藍莓或紅莓等等..
最後就將你自己設計既「招牌」楝係上面.... 咁就完成啦~
我朵花.... 就變成最靚既一部分...

好趕好趕既情況下... 都做左好多製成品...

方型既朱古力... 今次無落粉.... 因為實在無時間...
但我之後就偷偷地加咗個P字係上面....

好... last一樣教我地整既甜點... 亦係最難既....
主要材料係手指餅加上朱古力醬去做餅底...
首先整碎D手指餅... 今次我用左五支...
注意唔好太碎.. 又唔可以太大粒....

然後落番一比一份量既朱古力醬落去..
當然又係唔可以太多或者太少..
太多朱古力令餅底太厚，變左一舊朱古力...
太少朱古力令餅底太薄，手指餅多過朱古力... 結唔成餅底...

然後... 用匙羮盡快攪勻佢.... 撈好之後... 平放係牛油紙上...
留意.. 因為係要做一個有型狀既餅底....
所以要用餅cut做靚個型... >>今次我地係圓型既~
而份量緊記... 一比一唔係問題... 但一定要夠舖滿你自己個餅cut兼有適中厚度... 我都幾乎唔夠!!

衝完一輪... 終於完成啦~~~

果然快樂既時間過得特別快... 又係時候講byebye...
今次同上次唔同... 一無圍裙.. 二無cert... 三連合照都無...
因為人太多... 咁我唯有等同學走得七七八八...
先正正經經搵wong sir影番張... 上年都無影到... 淨係全部同學一齊影....
今年我一於搵埋上年都有出席既marketing同事一齊黎個合照~~

多謝wong sir... 我覺得整朱古力好開心~~ :D

今年... 仲有一次機會~~ 六月會再公布.... yeah~~