4月6日，雨，愉快

新的一周又開始，最快樂的是最不開心的一個月零三日過去了。
希望新的一周，有好開始。
3號那天，迎來第一份生日禮物－－合時的禮物－－RK四月一日最新Album Piano!

好友一早問我，今年生日想要甚麼。
頓時腦袋空空的，沒甚麼想要，我這個人，一時是購物狂，更多時是守財奴－－這是細佬們說對我的印象。
照道理，守財奴最喜歡朋友送東西－－唔駛自己買嘛。
偏偏，我就連朋友的銀包也慳，除了食。
其實，每年生日朋友都會問我，在這裡說說吧～

我收過不少的禮物，以實用為主－－食的、用的、搽的、飲的... 當然，擺的也有。
食的主要係蛋糕... 尤其以黑仔雪糕蛋糕為主... 更有唔少好友請我食飯！yeah！
搽的主要係香水... 有gucci.. chanel（呢啲係長輩送畀我娘親，我娘親轉贈，咁貴唔會叫人送）但無唯一既摯愛 - 格仔橢圓樽.. 唔好問我邊隻... 無得賣啦!
飲既有紅酒（做紅酒既法國人送，唔駛錢）、茶（尤其係普洱，係開普洱茶莊既人送）、咖啡粉－即沖同豆豆都有... 
用既主要係衫、背囊、袋為主，其他包括羽毛球拍(畀人打爛左啦~)、書(金庸為主)、DVD rom、CD、CD+DVD、冷帽、銀包、頸連、戒指、紫砂茶壼也有...
擺的就以公仔為主，暴力熊是唯一了～

其實，送禮物給朋友的確很花心思和精神。
有些人很容易送禮物，只要你知道他／她的喜好便成。
有些人很難送禮物，通常請食飯便算。
但更有些人是懶得去想送甚麼，乾脆請食飯。

你是甚麼人呢？
P.S. 我的朋友當中，不少很有心，送我我喜愛的禮物，但如果你不好「此道」，請別送給我－－一是茶壼，二是茶葉（普洱），切記切記！